წვევამდელებმა სენაკში სამხედრო ფიცი დადეს

პოლიტიკა · 15 ნოემბერი, 11:10

სენაკში სამხედრო ფიცი დადეს წვევამდელებმა, რომლებიც 11-თვიან სამხედრო სამსახურში ნებაყოფლობით დარეგისტრირდნენ. ცერემონიას მათი ოჯახის წევრები დაესწრნენ. ადგილზე სამხედრო ტექნიკისა და შეიარაღების გამოფენაც მოეწყო. ფიცის დადებამდე წვევამდელებმა ექვსკვირიანი საბრძოლო მომზადება გაიარეს. ამ პერიოდში ისინი გელათსა და მოწამეთას ესტუმრნენ, ზუგდიდში კი დადიანების სასახლე და ბოტანიკური ბაღი მოინახულეს.