ევროპაში ახალი მიგრაციული კრიზისი მწიფდება: კანარის კუნძულებზე ერთ დღე-ღამეში აფრიკიდან თითქმის 1500 მიგრანტი ჩავიდა, — Reuters
მსოფლიო ·
ესპანეთის სანაპირო დაცვამ 14 ნავზე მყოფი 1488 ადამიანი გადაარჩინა. ეს 2020 წლის შემდეგ დღე-ღამის რეკორდული მაჩვენებელია. ერთ-ერთ გადატვირთულ ხომალდზე ერთდროულად 240 ადამიანი იმყოფებოდა, მათ შორის 36 ბავშვი. ჩასულთა უმეტესობა სენეგალიდან, გამბიიდან და გვინეიდანაა. ესპანეთის ტერიტორიაზე მოსახვედრად ისინი ატლანტის ოკეანეს ხის სათევზაო ნავებით კვეთენ. ეს მარშრუტი მსოფლიოში ერთ-ერთ ყველაზე მომაკვდინებლად მიიჩნევა.