ჰლუხივში განმეორებითი რუსული იერიშის დროს პოლიციელმა ბავშვი საკუთარი სხეულით დაიფარა
მსოფლიო ·
დარტყმის ადგილზე მისულმა პოლიციელებმა ალმოდებული სახლი დაინახეს და მეზობლებისგან შეიტყვეს, რომ შიგნით შესაძლოა 54 წლის ქალი და ბავშვი ყოფილიყვნენ. ისინი უკანა ეზოში, მიწაზე მწოლიარენი იპოვეს. ქალს ძლიერი სისხლდენა ჰქონდა. პირველადი დახმარების გაწევის მომენტში პოლიციელმა მოახლოებული დრონის ხმა გაიგონა. მან 8 წლის ბიჭს საკუთარი სხეული გადააფარა, რათა იგი აფეთქებისგან დაეცვა. განმეორებითი თავდასხმის შედეგად პოლიციელმა და ქალმა სხეულის დაზიანებები მიიღეს. ბავშვი მხოლოდ პირველი დარტყმის შედეგად დაშავდა.