რუსეთის სავაჭრო შეზღუდვების ფონზე სომხეთმა EU-სთან საგადასახადო თანამშრომლობაზე შეთანხმებები გააფორმა
12 ნოემბერს სომხეთსა და ევროკავშირს შორის ორი შეთანხმება გაფორმდა, რომლებიც სომხეთის ევროკავშირის საბაჟო და ფისკალური თანამშრომლობის პროგრამებში მონაწილეობას ითვალისწინებს. შეთანხმებები ქვეყანას საშუალებას მისცემს, ევროკავშირის წევრ და სხვა მონაწილე სახელმწიფოებთან ერთად ჩაერთოს ამ პროგრამების საქმიანობაში. მანამდე ევროკავშირის საბჭომ სომხური პროდუქციისთვის დროებითი სავაჭრო ლიბერალიზაციის ზომები მიიღო, რომლებიც ევროკავშირში სომხეთის ექსპორტის დაახლოებით 80%-ს მოიცავს.